Editorial || RAMNGAW CHEREU NASA VEI ZUAL A TUL.

Green Mizoram Day a khuallian Pu Lallawmsanga Apetow leh nimin a Green MJA Day a khuallian Pi Marilyn Rualzakhumthangi te chuan hmasawnna hnathawh vanga thing leh mau tihchhiat a nasat vanga, thingphun belh leh enkawlzui lam ah tan lak nasat zual a ngaih thu an sawi a, an sawitha mange tiin a liam ang tih a hlauhthawnawm.

NH 54 laihzauhhna thawh a ni a, KMMTTP kawngpui sial a ni bawk a, ramngaw thalai tamtak tihchhiat a ni a, a hlutna hi sawisen a nilo hial maithei.

Heng kawng sialna ah hian mumaltakin ramngaw siamtura ruahmanna hi a awmtur ah ngaih a ni a, awmtase, khawiahnge siam a nih, tullovin ramngaw tihchhiat a ni em tihte pawh hmalatheitu lam ten an enngun zual a ngaiin a rinawm.

Hmasawnna hnathawh tamtakin a panglehlam ah nghawng thalo a nei thin a, chumi tuamdamtur chuan hmalak a ngai thin a, hetiang chiah hian Thingphun belh a, enkawl lam ah tunhmalama hmalakna let tamfe a hmalak a ngai a, tuna Sorkar kalphung pangngai a hmalakna hi a tawkzolo maithei, nasa zawka hmalak a nihtheih nan kawngdap a tul in a hriat a, nasa zawka vei a hun lai tak a ni awm e.