Lawngtlai DC, Dr Andrew H.Vanlaldika chuan Lawngtlai District a Tlawmngaipawl, Kohhran leh Mipui, Sorkar Department hrang hrang leh Chanchinbumi ten an thawhpuina vangin lawmthu a sawi.
Lawngtlai DC atanga Director FCS&CA hna chelhtur a sawn, Lawngtlai DC chu vawiin khan MJA Lawngtlai District chuan an Patron a nihna angin thlahna hun DC Chenna ah an nei a, hehun ah hian Dr Andrew H.Vanlaldika chuan Lawngtlai District mipuite thinlung taka a ngainat thu sawiin, duhsakna a hlan a, Lawngtlaia a awmchhungin District hmasawnna tur a thawhna kawngah te, hun harsa hmachhawnna ah te, kawng tinreng ah thlawpna a dawng nasa tih sawiin, Lawngtlai District chu District tangrual, thawhhona tha thatak nen a ke a penzel chuan District hmasawn leh entawntlak tak a ni zuizel dawn a ni a ti.
MJA Lawngtlai District hruaitute chuan, ram in Hripui leh Myanmar buaina vang leh chhan hrang hrang vanga ram in hunthim a hmachhawn laiin, Dr, Andrew H.Vanlaldika kaihhruaina hnuai ah ram mipuiten baihvai leh harsa taka hun harsa hmachhawn chang nei mahse, DC berin District hmangaihna thinlungpu a theihtawp a chhuahna chuan rahtha a chhuah tih an sawi a, MJA Lawngtlai District te hian ngaihhruihna thuziak hlanin, tuntuma DC chhuaktur anga District mipuiin an ui hi an la awmlo hial a an hriat thu an sawi.
Tags
News