.jpg)
Kayakalp Award siam a nih atangin District Hospital, Lawngtlai chuan tum li lai mai, lawmman pakhatna dawng tawhin, Pahnihna dinhmun vawikhat a luah tawh a, he Hospital hi tute tan pawn enhniam theih a nilo tih a chiang a, hetianga Hospital inrelbawlna tha, Lawngtlai District in a nei hi a vanneihthlakin, thawktute inpekna leh, Award dawng tur a hmalatute an fakawm takzet.
District Hospital hi a bikin, miharsa leh rethei te te ten an pan nasain, sum sentam ngailova inenkawl theihna a nihna hi thlakhlelh tham a tling a, pantu pawh kan pun deuh deuh a rinawm.
Hetihlai hian thawktu indaihlohna te, natna enkawl kawnga thiamnabik nei mamawhna pawh a lianchho viau tawh a, hetikhawpa Damdawiin inenkawlna tha, District mipui ten an ta neih tlat, Kayakalp Award pawh tum nga zet dawng thei hi, thuneitu lam ten an enliam mai a rinawmloh a, Damdawiin a thuneitute leh District mipui ten hetikhawpa he Damdawiin an hlutzia an lantir bak hi, Hospital thuam changtlun nan a thuneitute an nawrna hmanraw tha leh mawi hi a awm chuangin a rinawmloh.