Dist. Hospital, Lawngtlai in Kayakalp Award a dawng leh ta.

      Ramchhunga Damdawiin tha, enkawlna felfai, Damdawiin chhung chauh nilo, a chhehvel thleng a enkawltha te chu tehfung chi hrang hrang hmanga endik thin a ni a, heta  Damdawiin titha chawimawina Kayakalp Award sem thin chu nimin khan semchhuah leh niin District Hospital Lawngtlai chuan Kayakalp Award First Prize a dawng.

Kayakalp lâwmman semna ITI Multi-Disciplinary hall a neihah hian  , Covid 19 avangin a rualin kum 2020-21 leh 2021-22 lâwmman sem a ni

District Hospital Category ah   District Hospital, Lawngtlai chuan pakhatna lâwmman an la ve ve a. Lâwmman hian Rs 600000 leh citation leh trophy a keng tel a, District Hospital, lawngtlai chuan  Rs 1200000 an dawng a , [The Lawngtlai Post] Kayakalp Award hi District Medical Superintendent, Dr Zothanpari Chhakchhuak chuan Health Minister Dr. R. Lalthangliana hnen atangin a dawng.

Tuntum hi District Hospital, Lawngtlai in Kayakalp Award a dawn vawi 5-na niin, heng zinga  pali chu Pakhatna niin, Pahnihna lawmman vawikhat a dawng tawh a ni.

Kum 2017-2018 khan Pahnihna lawmman dawngin, kum 2018-2019, 2019-2020 , 2020-2021 leh kum  2021-2022  ah te District Hospital, Lawngtlai hian Pakhatna lawmman a dawng a ni.

District Medical Superintendent, Dr Zothanpari Chhakchhuak chuan, District Hospital, Lawngtlaiin Kayakalp lâwmman a dawn chu District pum thawhchhuah, Lalpan mal a sawm a ni a ti a,  ram hruaitute, Department hrang hrang a thawkte, NGO hrang hrangte, College lam te, School te Chanchinbumite leh mimal thahnemngaite ten sum leh tha leh an remchan anga  Hospital thuamthat nana theihtawp an chhuahna rah a nih thu sawiin, Lawngtlai District  mipuite inpekna rah liau liau ani, a ti.