Doctor sawn vangin Lawngtlai leh Bungtlang South ah Picketting neih ani.

    District Hospital, Lawngtlaia Doctor pali sawnna Order suttur leh vawi engemawzat District Hospital a Specialist Doctor pali dahbelh tur an ngenna tihhlawhtlin a nih theih nan a Sorkar nawrnan vawiin atang khan tiamchin awmlovin, Central Young Lai Association chuan Lawngtlai leh Bungtlang South ah Sorkar Office, Bank leh Zirna In a kal tur te an dang.

    Chanchin ziaklai hian khawihmun atang mahin thil duhawmlo thleng hriat a nilova, Lawngtlai DC chuan Office a kai lova, Lai Autonomous District Council a Chief Executive Member Pu V.Zirsanga leh Executive Member te pawh Office kaitum mahse, YLA Duty te ngenna angin  Office an kailovin an let. Sorkar Office, Zirna in leh Bank te khar vek a ni.

     Nimin khan Central YLA hruaitute chuan Lawngtlai Press Club ah thuthar thehdarhtute kawmin, nunphung pangngaiah pawh District hnufual, mipui tamna, Doctor [The Lawngtlai Post] indaihlohna a nasat tawh laiin, Myanmar ram buai vanga raltlan mi singkhat vel Lawngtlai District in a kawllai, Doctor mamawhna a sanzuallai a, Doctor pali sawnchhuah an ni leh midang pathum dahluh an ni chu, District mipuite zahlohna ah Central YLA chuan a ngai tih an sawi a, an thil  phut a hlawhtlin hma chuan an thiamdan anga hmalak chhunzawm zel an tum.

    
    Mizoram Sorkar chuan May 20, 2022 khan District Hospital Lawngtlaia Doctor pahnih sawnchhuahna Order a tichhuak a, hemihnu   May 23 khan he Hospital a thawklai Doctor pahnih dang sawnna Order tichhuak leh in, midang pathum District Hospital, Lawngtlai a dahna order a tichhuak a ni.