District MJA Vice President Pu Elvis Lalthangzuala kaihhruai, Pu C.Zathianga thlahna hun ah hian Pu Lalropuia Chinzah chuan Lawngtlai District MJA ten Sorkar an thawhpuidan chu chhuanawm a tih thu sawiin, Chanchinbumite chu Sorkar kutke ber an nihna Lawngtlai Chanchinbumite chuan an hriain, ram leh hnam tan an thawhhlawk takzet tih a sawi a, pawl a zahawm zawk nan inrelbawlna feltak an nei chu entawntlak a tih thu a sawi.
District MJA President Pu Lalngheta Ralte chuan Pu C.Zathianga chu MJA Member nitawhlo mahse, a thawhna Firm ah a dinhmun pangngai a luahzuizel tur thu leh Journalist a nihna a bolo tih sawiin, MJA Member nitur chuan Working Journalist nih a ngai a, Pu C.Zathianga chu eizawnna vangin hunpumin Chanchinbu lam ah a inpumpek theih taklovah chuan, MJA Member nihzui a remtalo tih sawiin, uitak chungin MJA Member a nihna atangin thlah a ngaita a ni a ti a, MJA inrelbawlna a zahawm zawk nan Pu C.Zathianga’n, a dinhmun hahdam taka a pawm thiam chu entawntlak a tih thu a sawi.
MJA Member atanga thlahtak Pu C.Zathianga chuan, hunpuma Chanchinbu lam a luhchilh a remtakloh vanga, MJA Member atanga thlah a ni chuan Mizoram pum ah MJA kalphung ah rahtha chhuahse a duh tih sawiin, tlinglo chunga Member nih chu MJA zahawmna tihhniamna ah a ngaih vangin, Member nihzui loh chu thlang a nih thu sawiin, zahawmtaka Lawngtlai District in amah thlahna hun an siam chu lawmawm a tih thu a sawi a, Mizoram puma MJA Member te chu thinlung taka a ngainat thute, a dinhmunin a zirloh vanga an zinga telzuizel remtalo chu lunglenthlak hle mahse, MJA tan rahtha thlentu a nih a beisei thu a sawi.
Pu C.Zathianga hi Lawngtlai District MJA te chuan Lawngtlai District MJA Pension Scheme a pawisa an khawlsak Rs.20565 leh Thuziak an hlan a, a pualin zanriah an kilho nghal.
Pu C.Zathianga hi Lawngtlai District MJA ah dinhmun pawimawh tak tak chelh tawhin Office Bearer leh Secretary hnate tlin taka lo chelh tawh thin ani.