The Lawngtlai Post thudawnna in a tarlan danin ,Mano Malsawmdawngzuala (17) S/O Reuben Zozikpuia Electric Veng Lawngtlai, tuna Haryana a Badmiton Coaching Academy a awm mek chuan tukinzing lam Dar 10 vel khan Hyderabad a Tournament khel zo, Delhi Airport a thleng a, Delhi atanga Haryana a Coaching kalna, a pan tur chu a chuanna Taxi Driver chuan vaubetin, a Cellphone a laksak a, Rs 7000 dilin, natakin avauin, Car a lock vek bawk a.
Lawngtlai Rawlthar hi chiai mai lovin, Taxi Driver chu thataka biain, Pawisa a kawl loh thute, ATM atanga lakchhuah a ngaih thute hrilhin, a Phone hmangin a chhungte pawisa dil a ngaihthu te a hrilh a, ATM Booth panin, hetatang hian Mano Malsawmdawngzuala hi misual kut atang hian a bibo thei ta a ni.
 |
| Pu Amit Goel IPS |
Mano-a hian Delhi Police hmufuhin thilawmdan a hrilh a, Lawngtlai atangin Addl. SP Pu C.Lalruatkima’n a tul ang ang buaipui nghal in, Lawngtlai SP lo ni tawh, Pu Amit Goel, DCP Delhi bepawpin chaktakin hmalaknghal a ni a, Mano-a hi him takin Delhi Cantonment Police Station ah a awm a ,Delhi police te hian buaipuiin, Haryana a thlen theih dan tur pawh an dap sak a. Taxi driver pawh CCTV atanga chhuiin, Delhi police te hian an man tawh a thuzawhfiah atan an kawlmek.