Kisan Mela, KVK Chawnhu hmunpui ah neih ani.

    Ram in zalenna a neih kum 75na lawmna kalmek ah, KVK Lawngtlai leh Agricultural Technology Management Agency (ATMA), Lawngtlai tangkawp buatsaihin vawiin khan Chawnhu a KVK hmunpui ah Kisan Mela, Fermers Fair neih a ni a, he hun hi Lai Autonomous District Council a, Agriculture enkawltu Executive Member Pu Lalropuia Chinzah chuan a hmanpui.

    Fair hawnna inkhawm, KVK Lawngtlai a  Senior Scientist & Head, Dr. C.Lalfakawma kaihhruai ah, Pu Lalropuia Chinzah chuan, Lawngtlai District ah State leh District Council hnuaia Agriculture leh a kaihhnawih a thawktute inpawhtlanna thatak chu kuthnathawktuten a zar an zochho mek tih sawiin, LADC bik ah pawh awmzeneia kuthnathawktuten thlai an chin theih nan One Village, One Crop kalpui turin hmalak mek a ni a ti a, kuthnathawktute chuan mahni remhriatna leh thiamna ah lungawi mailovin, mithiamte thu zawma, biakrawn thin chu intihhmuh chhoh deuh deuh a tul a ni a ti.

    Pu Lalropuia Chinzah hian KVK Lawngtlai ten Covid 19 Hripui len nasat laia kuthnathawktute, Online hmanga zirtirna a pek thin a, pawimawh zual lakkhawm chu a Bu ah siamin, he Lehkhabu hi LADC a Executive Member chuan a tlangzarh a, Hripui leng kar ah pawh KVK mithiamten kuthnathawktute hmakhua ngaia, a theih ang anga kaihruaia, hma an lakpui chuan, KVK Lawngtlaia thawktute chuan kuthnathawktute dawmkan an tumzia a lanfiahtir a ni a ti.