Editorial || SOCIAL MEDIA KAN HMANDAN HI.

Social Media a mahni duh lam hawi zawng, midang pawisawina leh tawngkam mawilo tak tak thehdarh hi, ram changkang zawkah pawh a tam lutuk, helaia lo sawi ve hian awmzia a neilo tih hi mithenkhat ngaihdan a nih laiin, thil thalo inkawhhmuh a, kawngngil zawk zawhtur a infuih hi, midang ten an lo hmanthiamloh vanga tha ti thumtu atan hman erawh thil kalphung a nilovang.

Journalist te chuan puandum tlanga chhunhar var tetakte hi an hmulianfova, thilthalo tamtak aiin, a tha lam tarlan an chingfo. Social Media a chanchinthar leh a kaihhnawih darh thinte hi, thlitfimloh chu sawiloh, mimal ngaihdan leh zeldin nen sawhbawl a, a tuartutan kun ngawih ngawihna tham thendarh a awmfo a, hengmite hian puanvar thatak kila chhunhan dum tetakte chu an hmulian zawk thin.

Social Media hi tangkaitakin a hmantheih tih a chianga, a tellovin kan awmthei meuh tawhlo, Smartphone humthei chin chu  kan thu leh hla pawh a Smart ve tur a ni.

Leila tak tak thu thehdarhte, aia upa zahna nei map lova, thuhnuairawlhna tel lo angte, heng a thalo tih hriatsa reng ngampa taka Social Media a nih vanga  pawisak neihtlem na te hi, midangin pumpelhtheilo mahse, keini chuan kan tum phawt chuan mawitakin, tangkaitakin Social Media hi kan hmangthei tih a chiang.