.jpg)
State a ni emaw, ADC a ni emaw, Politics virvel hi nguntaka thlir tan chuan, Ram tana hnemhnanpuitur awmlo, a phawvuak, Boruak a Indona mai mai bak hi Politician te hian an buaipuilo emawni chu aw, a tih theih rum rum chang a tam khawp mai.
Sorkar in mipui tan ruahmanna a siam a, a hlawhtlin leh hlawhtlinloh pawh nghak thei lova, inti hreber ang maia insawizel chiam chiam te, tuten emaw thiltha an ti a, Vote zawnna ah ngaihsak vek ringawt mai te, hetiang lam hi sawitur a tam thei ang.
Thiltha tur ah chuan Politician te hian thawhho harsa an ti a, an elpuite chhiatnatur ah chuan thawhho erawh an awlsam phian lawi a.
Thil tak tak buaipuia, inchhemalh tawn lova, puarpawleng, atakram a rintlak tak takloh, boruak a indona hian ram ropui minthlen lovang.
Sorkar pawn kalphung a her danglam ngam a tul a, Sorkarna siamtuk atanga inthlanpui neih leh huntur thlir chungin, mipuiin anmahni an it theihna tur lam aia, an mahni vote turte huikhawm tuma beihna awm thin hi a fuh lova, ram hnuk a khawihpha lova, an tum hlen awmfo mahse, mipuiin an zar an zo tak tak thinlo.
Ram leh hnam tan, theihtawp tak meuh chhuah ngam, thu leh a behbawm a inhampuara, tute pawh Citizen an nihna aia Voters an nihna hmuhlensak lova, hmangaihna nen a ram enkawltu an awm hun ah, ramin hmasawnna tak tak a hmu thei chauhin a rinawm.