College Veng Bialtu MDC leh Lairam Social Mission Departmentte tangkawp chuan raltlan te chennatur, In tha zawk leh mumal zawka inthiarna te a awmtheihna tur, In thar dinsak turin ruahmanna an neih chu he hunah hian an enfiah in, Insak na tur hmun remchang laite en nghal a ni a, Lairam Social Mission Department chuan In pakhat sakna atan Rs. 70,000 (singsarih) zel ruahmanin , In 15 ( sawmpanga) sakna tur an pe dawn a. In sakna tura pawisa an ruahman hi a vaiin Rs 10,50,000/- ani.
Chawnhu ah hian raltlan 164 an awm mek a, Bialtu MDC leh LIKBK Assembly General Secretary te chuan Raltlan te chu khawtlang inkaihhruaina dan te zah tak chunga thlamuang taka awm tur leh harsatna leh mamawh chi hrang hrang awm thei te chu khawtlang hruaitute kaltlang a thlen zel tur leh,a thei ang ang a an tanpui zel tur thu raltlan te hi an hrilh a, Pu C. Hrangthianga Executive Member chuan raltlante tan Buhfai bag hnih a pe.
Raltlante chuan baihvai taka an awmlaiin ngaihsak a buaipuitu an nei thin chu lawmawm an tih thu an sawi.