LADC Golden Jubilee denchhen a Hla inphuahsiak Result puang.

         

    Nimin   khan  LADC Golden Jubilee puala hla inphuahsiak, Souvenir Sub-Committee leh Art & Culture Deptt., LADC ten an buatsaih Result puanna leh lawmman Semna hun chu,   Pu BN.Thangpuia Executive Member  (i/c Art & Culture Dept) LADC chuan, Khuallian niin a hmanpui.

        He hun hi  Pu T.Chalnghingluaia Art & Culture Officer LADC chuan kaihruaiin, Golden Jubilee LADC in a lawmna tura inbuatsaihna kal zela he hun hi buatsaih niin,  hla inphuahsiak an buatsaih dan report a pe a, hla inphuahsiak hi chihnih a buatsaih niin, LADC hla leh Golden Jubilee hla inphuahsiak anih thu a sawi.

        Hla inphuahsiaka pakhatna lawmman dawngtute chu,  LADC hla inphuahsiakah - Pu LZ Ringlawt  Sangau, Golden Jubilee hla inphuahsiakah - Pu CZ.Thanliana Council veng Lawngtlai, te an ni a, Pu BN. Thangpuia  Golden Jubilee Celebration Committee Chairman ni bawk chuan Cetificate leh Rs.20000 ve ve  lawmman atan a hlan

        Pu BN.Thangpuia Khuallian chuan thusawiin, Lai hnam kan nihna pholang theitu pakhat chu Thu leh hla hmanga kan ṭawng te kan tih changtlun zel hi ani a, chumi kawnga hmalakna pawimawh tak mai, vawiin huna Art & Colture Dept LADC tena an buatsaih hi a lawmawm ka ti hle a, tin, kan sawrkar pawh hian Art & Culture Deptt pawh hi a tha tih chak deuh deuh a ngai a ni.

        Hla inphuahsiaka lawmmanah hian Consolation prize siam a ni a, mi 9 hnenah Pu H.Lalramenga Executive Secretary LADC in a sem bawk. Executive Secretary chuan, Golden Jubilee  kan lawm dawn a, LADC thawktute leh kan hruaitute he hun kan thleng thei hi a lawmawm tak zet a, Pu V.Zirsanga CEM kaihruai Sorkarin theih tawp chhuaha a hmalakna hi a lawmawm tak zet a ni, a ti.

        Pu L.H.Ramdingliana AA & CO in lawmthu sawina hun a hmang a, he Prog. ah hian sawm bikte - Pu C.Rongura EM, Pu JB Vanhoy EM, Pu C.Hrangthianga EM, Pu H.Lalmuansanga Dy. Chief Whip LADC ten an telpui a ni.