Mizoram Rural Bank chuan miharsa zawkte tanpui nan pawisafai hi Lawngtlai District chhung, Sangau leh Bualpui NG ah pawh Rs.50,000/- hlanturin an ruahman a, midang tana thiltha an tihve theihna remchang ah miharsa zawk tana luanchhuahna remchang a awm chu lawmawm an tih thu Lawngtlai DC hi an hrilh a, DC in an Bank a ngaipawimawh thin chu an lawm hle tih an sawi bawk.
Lawngtlai DC, Dr.Andrew H.Vanlaldika chuan Lawngtlai District chhungah khawsak harsa zawk tamtak an awm tih sawiin, a bikin tunhnai ah Myanmar buaina vangin Raltlan thahnemtak, Sorkar leh khawtlangin an chhawmdawllai an awm vangin, chhawmdawlna leh tanpuina lam pawh mitlawmngaiten an pe deuh renga, Mizoram Rural Bank ten an mamawhzia hriaa, cheng Nuai khat lai mai an pe chu lawmawm a tih thu sawiin, tanpuingaite tanpuinan a mi inphalte inpek thinna chu a hlu takzet a ni a ti.
Lawngtlaia Mizoram Rural Bank pahnih Bazar Veng leh Chandmary Branch te hi mipui lamin an dawr nasa in, Sorkar pawn a theih ang angin a hmangtangkai a, mipuiin an bawhna chhan hi, thawktute inpekna vang liau liau a ni tih DC chuan sawiin, Mizoram Rural Bank a thawktu zawngz awngte duhsakna a hlan bawk.