ZORAM PEOPLE MOVEMENT
LAI DISTRICT HQRS, LAWNGTLAI
MIZORAM- 796891
PRESS RELEASE
Lawngtlai, 9th February 2022-No-01/ZPM-PR/LADQ(LTL)2022.
ZPM Lai District Hqrs chuan hma sawnna nei belh zelin Unit leh Member thar duhawm tak tak a nei belh zel a. Lairam Mipuite pawh ṭhangharh zelin, kum 30 chuang min hruai tawh tu Party Pahnih rorel dan rintlak lohzia an hmu fiah mek zel niin a lang a. Heti lai hian ZPM Policy chuan Zoram khawtin a fan chhuah mek zel a, hengte kan hmuh hian kan thla a muangin a lawmawm kan ti hle a ni.
Hetih lai hian MNF District hqrs Lawngtlai PR No 02/MNF-PR/DHG(LTI).2022-ah chuan kan EM Zahawm tak Pu, C.Rongura'n "Social Media-ah ZPM ten SEDP kan sem ṭan dawn tih a takin an hre tawh a, an hlau ru hle." tih thu a sawi a. He a thusawi hi Social Media-ah nasa tak in an theh darh a. ZPM hian SEDP an sem tur hi kan hlau lova, kan hlau zawk chu, 2018 inthlan dawn a mipuite hnena SEDP a sem dan tura an sawi ang taka , nuai 3 ai tlem lo, nuai 3 chuang, NLUP dawng tawh zawng zawngte pawhin dawng ngei se kan ti a, Kan CM zahawm tak meuhin, Public Meetting naa a sawi ang takin he SEDP nuaih thum aia tlem lo hi an sem lovang tih kan hlau a, an intiam ang zat ngeia sem zawk ngei se tih hi ZPM duh dan dik tak zawk a ni.
ZPM Lawngtlai District Hqrs chuan Tuna Sawrkarin a hnathawh hlawh a hun taka a pek theih loh fo te, Medical bill leh Pension sum dahkhawl sa pawh a pek that thei lo fo hi mak a ti hle a. Tin, PPE kits ṭhui man Nuai 168 lai Puan ṭhui tute hnena an bat mek te pawh hi pe thuai turin a duh a, heng an sum batte hi an chanvo a nih ang taka an chanvo tikhawtlai tawh lova an pek chhuah vat hun tur hi a nghakhlel tak zet zawk a ni.
______
Issued IT & Media Cell, Lawngtlai District hqrs, Lawngtlai.