Nungchate hian an nunkhawchhuahnan Mihringte hi min mamawh lemloh laiin, Mihringte hian nungchate hi kan damkhawhchuah nan kan mamawh tih hi mipangngai chin chuan hrelo a awmtheih lovang.
Engatinge Nungcha humhalh hi sawi a la ngaihfo le ? Social Media lam ah a khattawkin, Nungcha laka nunrawn chhuaha, pel thinte zingah Sorkar hnathawk leh mi pangngai tak tak an awm thin thute hmuhtur a awm leh thin a, a dik leh dikloh finfiah kher hi thiltul ber a nilo maithei a, upa ten Pan lovah Tho a fu ngailo an lo ti a, awm a awm tih a chiang in a hriat.
Eng hi nge sual kan tih ? tih hi kan chhandan a inanglo fur anga, Zu in miten Pulpit an hlat laiin, eirute erawh chuan, an mahni aia felzawk te thutha hrilhnan an hmang thung a, kan nun a inletling lai tam lutukte, nunzenghet leh tlo aia, a phawvuaka tal kan tam lutuk hian, Nungcha humhalh kawngah pawh hmalakna hi a sawt mawh deuh in a hriat a, hetiang hun ah tak hian, Sorkar bawk hian a tihtur tise, thawktu an indaihlo a nih chuan a siamrem theitu chu Sorkar tho a ni a, tihtakzet a Nungcha humhalh kawng ah hmalakna hi han kalpui tak tak sela, tuna khawlai ah ualau taka Sava leh Sarep zawrh chhuahte hi a ziaawm ngei ngeiin a rinawm a, a zuartute aiin, zawrhtur an neihna lam zawk, a bulthut lam atanga hrut hi a pawimawh leh a hlawk bertur a nih a rinawm.