Lawngtlai West MLA, Pu C.Ngunlianchunga chuan, nimin atang khan a bial a fang a, khaw hrang hrang a tlawhna ah Congress Party a inziaklutthar engemawzat an awmthu LaiDCC hruaitu lam chuan sawiin, hunremchangah an Party President in a lawmlut ang.
West MLA chuan amah lo lawmtute hma ah, MNF in SEDP kan sem ang an tih hi an sem a nih pawh in, singli nga bak an sem dawn lo, mipui bumna mai mai a ni. “SEDP kan pe ang che u” an tih pawh in a tak a in dawng chat a nih loh chuan awih chi a nilo a ti a, MNF ten mipui an tiam te chu nuihzat ah a kal mek tih sawiin, kawngchhawng kan siam ang an ti a, an siam kan hmu lo a, Sorkar hnathawk in hlawh an la mumal thei lo bawk a, kawng hrang hrangah mipui tan hna an thawk tak tak theilo a ni a ti.
Pu C.Ngunlian chunga chuan Myanmar atanga Kuva tawlh chungchang ah Sorkar a hmingchhe tel ve anga lang tlat te hi a zahthlak a, mipui chu Kuhva tawlh ah hian an rilru a hahdam tlatlo te hian, awm a awm a nih a rinhlehawm zual a ni a ti.
Lawngtlai East lam ah a ding dawn tih thuthang awm sawifiahin West MLA chuan, West bial a ka din leh hi an hlau a, MPCC in ding tura min tihna a piang ah ding mai tur kan ni a, ka bial mipui te rawn lo hian khawiahmah ka kal dawn lova, MPCC thu thu a awm leh kal tur kan ni zawk a, buaina tur a awm lo a ni, a ti.
