Covid 19 hian rehlam a la panlo tih a chianga, kan hlauhdan erawh, a hlauhawm tawk chauhvin kan hlaulo thung a, kan chenpui rei deuh tak vang hian a hlauhawmna a nep miah lova, a tirlam ah Sakei hlauh taka kan hlauh lai nen khan, he hri hi a hlauhawmdan a la ngairenga, hlauhdan chintawk erawh kan hriat a tula, kan hlaulo lutuk hi kan hlauhawm zawk hial em aw, a tih theih ta hi, kan inennawn a, hri hi kan hlauh thar leh a tul khawp mai.
Tuna hripui rawn hluar leh hi a bikin Thingtlang lam ah an tuar nasa a, Thingtlang lamin an tawrh chuan reiloteah khawpui a him dawnlo tih a chianga, khawpuia mipui nun erawh, hri hlauh vang nilovin, man hlauh vanga a hming maia Mask hmang hmuhtur kan tam lutukte, kan duhna ah hri hlauhna kan dahbo ta riaua lang thinte hian, lohtheihloh hian, hun harsa leh khirh kan lo paltlang tawh ang kha kan hmachhawn leh ang tihte pawh a hlauhthawnawm thei ang.
Biakin ah midang hlatin kan thut theih chuan, khawlai leh Bazar vel ah midang hlatin kan tihtur kan tihthiamlohna tur a awm lova, Duty awmna zawn ah Mask thataka kan hman theih chuan, Veng kilkhawr deuhah pawh khabe ah kan pawhthlak ngawtna chhantur a awmlo, kan hmachhawnmek lakah hian kan inveng thei a, kan mamawhber chu Hripui hi i hlau thar leh ang u.