LADC Conference Hall a, he hun hman hi MJA Lawngtlai District a General Secretary Pu Lalchharliana'n kaihruaiin, Vice President Pu Elvis Lalthangzuala'n, MJA ten kum 50 an tling thei chu hruaitu hmasate thawhrah, thangthar zawkten an chhawmnun chhoh vang a ni a ti.
He hun a Khuallian LADC a Executive Secretary Pu H.Lalramenga chuan, LADC Officer te chu, Chanchinbumite, thahruai a an hmanthiam a tul thu sawiin, mipui tana Sorkarin a thawhte Chanchinbumite kaltlanga puanzar kawnga tan la sauh sauh tur a fuihin, Lawngtlai District MJA te chu Sorkar in kut ke atan a hmantlak nizel turinin a chah bawk.
Media Awareness Campaign ah hian Lawngtlai District Information & Public Relations Officer, Pu C.Lalhruaitluanga'n 'Sorkar leh Mipui rawngbawlna ah Media' tih thupui hmangin paper a present a, sawihona hun hlawktaka neih chhunzawm a ni.
Hetiang Campaign hi February 24 khian Lawngtlaia State Sorkar hnuaia Officer te tan DC Conference Hall ah buatsaih a ni ang.