Hripui lentirh atang tawhin, inkhuahkhirhna leh kaihhruaina chuan Kohhran chetvelna a nghawng a, tunthlengin Kohhran chu mipui punkhawmna siamtu a nih miau vangin, thuneitulam pawn inkhuahkhirhna dan chu han thlahdul hret thin mahse, Kohhran ah chuan hruihrual hi thlahdul tak tak erawh an ngam rihlo tih pawh a chiang awm e.
Lawngtlaiah ngei pawh, Biakin chhunga CAB kalpuidan han enpui changte pawh a awmchho ta a, heihi Kristianna thinlung atangin helhtheih tak a niin a hriat a, lo ngaithiamlo an awm pawn an thiamawm viau in a rinawm.
Kohhran a tello hi chhuakkhawm tase, kutzungtang thliaka chhiar tham lek an ni hial maithei a, Biakin leh a chhehvel a Kristian thatak, hmundanga Isua zuitu an nihna lang manglo khawpa tal hrehlote pawh awmtheih a ni a, chu chu Mizo Kristian ten zethalo kan chhawmnun langsar a ni hial maithei.
Biakin leh a chhehvelah CAB thataka zawmthei khan, engatinge kawthler leh thiltih dangah te kan zawm leh mangsiloh tihlai hi veiduh tan veitham a tlinga, Biakin ah hian Hri a hlauhawmbik tih lam nilovin, Kristian ten kan thatna kan lantirna hmun chu Biakin hi a nih miau vangin, Sorkar pawh hian inzirtir nan hman duh in a tinzawn thin a nih mai lawng maw ?