Tunhnai a Sangau RD Block huamchhunga Raltlante a tlawhna ah, Lawngtlai DC chuan a theih ang anga mahni intodelh tumturin a chah kha a tha takzet, Raltlan mangangte hi khawtlangin chaw an nghei ,tute khua mahin an remti dawnlo tih a chian rualin, mahni thiam leh theih anga inhaikuak ve erawh an tihtur a ni a, hetiang zawnga fuih an ni hi a lawmawm khawp mai.
Raltlante chhinchhiah hna hi thawhchhoh mek a ni a, vawilehkhata felvek thei a nilova, District thenkhat ah chuan, Raltlante an zalen mah mah ni a sawi a awm a, Mizoram chhungah an duh duhna ah an zinkual a, Mizoram leh Myanmar ram kartawnsek te pawh an awmthei awm e.
Enkawlna leh khuahkhirhna mumaltak a awmloh chuan, nakin lawk ah harsatna thlentu an nithei tih hi rindan langsartak a ni a, a dik pawh a dikchho maithei.
Lawngtlai District chhungah ngei pawh, Myanmar atanga an rawn lakluh, Bike hmuhtur a awm nual mai, a rammi zawk, lirthei kaihhruainaah khauhtaka enkawl an nihlaiin, anni thlah zalen an ni si te hi a fuh chiahlo theiin a rinawm a, mahni awmna ram dan zawm chu a tul chuan an tive maitur ah ngaih a ni a, khuahkhirhna hi khauh zawka kalpui ngai, eng eng emaw ah a awm ngei in a rinawm.