Central Young Lai Association President Pu HC Vanlalruatpuia chuan Myanmar ram buaina vanga an sahimna zawnga Lawngtlai District a tlanlut chu mi 5300 chuang an nih tawh thu, MJA Lawngtlai District Annual Conference hmanna ah sawiin, Branch YLA leh khawtlang hruaituten Raltlan enkalwna tur hi Lawngtlai Disatrict chhungah hmun 21 ah an sak tawh a sawi a, Raltlan hi rawnlut reng an nih vangin, mamawhdan a zirin Regugee camp hi sak chhunzel a ni dawn a ni a ti.
Central YLA President chuan Raltlan tanpuina tur pawisa Central YLA kutah cheng Nuai 27 a luh tawh thu sawiin, mamawhdan a zirin hman reng a ni a, cheng Nuai 9 hmanbang la awm pawh, Raltlan te enkawl nan hman a tuldan angzelin hman a ni ang a ti.
Raltlan tanpuinan pawisafai bakah thuamhnaw leh bungbel leh eitur lam chi te, kawng hrang hranga tanpuina petute chungah Central YLA chu a lawm takzet tih Central YLA President chuan a sawi.
Hetihlai hian Thingkah khawtlang chuan Raltlan te awmna tur hi In panga an sazo tawh a, tun dinhmun ah Thingkah hian Raltlan 120 vel an awm mek a, an chenna In tur hi Thingkah a Kohhran hrang hrang ten hnatlangin an sa a, Inrinni khan Lairam Isua Krista Baptist Kohhran Shalom Local Church ten hnatlang hi thawkin, tun dinhmun ah chuan mamawhdan a zirin In hi sakbelh turin ruahmanna, khawtlang hruaituten an siam.