Zirtawpni khan Pu V.Zirsanga CEM, LADC chuan Bualpui 'NG' tlawhin LADC Sub- Hqrs Bualpui (NG) khawtlang hruaitute VC pathum leh YLA hruaitute Pu Zirliantluanga Tinthe RO leh staffs - ten RO Office-ah lo dawngsawngin, an mamawhte thlen theihna hun remchang an neih theih avangin lawmawm an tih thu an sawi.
Khawtlang hruaitu te chuan, Bualpui NG chu LADC Sub. Hqrs. a nihna anga, a nihtur ang ala nih loh thu leh, a nih dan tur ang taka, a function theihna tura hmalak sak turin CEM chu an ngen a. Pu V.Zirsanga CEM chuan a beisei phak baka Bualpui (NG) khawtlangin anlo dawngsawng chu lawmawm a tih thu sawiin, an thil beisei leh mamawhte a theih chin chinah tihhlawhtlin tum anih thu leh Judicial Officer phei chu dah ngei a nih tur thu a sawi a. Inthlang ram kan nihna angin ram rorelna khawl a thu tur kan aiawh kan thlang thin a, hemi kawngah hian ram leh khawtlang tana mifel leh tangkai tur kan thlan thiam atul a ni a ti.