Lawngtlai District a Covid Appropriet Behaviour, CAB No Tolerance Week hman mek chu mipui lamin an zawm tha viau a, mipui tam zawkin thu an awih viau laiin, thu awih lo leh engemaw avanga Facemask vuah lo hmuh tur erawh an awm zeuh zeuh a, heng Khawlai a Face Mask vuah lo a chhuakte hi ngaihhnathiamna awm lovin chawitir zel an ni.
No Tolerance Week hman chhung hian Executive Duty a ruat te chu khawpui chhung hmun hrang hrangah an duty a, an ni bakah hian Lawngtlai Police te chuan a khat tawkin khawpui chhung an fang kual reng bawk.
Lawngtlai District ah hian Hrileng mek chuan zia awm lam a pan thei meuh lo a, December Ni 31. 2021 ah Positive 23 an awm laiin, nimin January Ni 18 ah chuan Positive 181 an awm tawh a, Lawngtlai District chhungah hian Sangau, Lungtian leh Bungtlang South te chu Hrileng hluarna leh Hrivei hmuhchhuah tamna niin, Lawngtlai ah pawh Myanmar atanga Raltlan lolut atangin Hrivei hmuh chhuah thar an awm nual bawk.
Tags
News