Mizoram a District khawpui zingah Lawngtlai aia kawngpui nei zau tha hi an awm lo hial maithei, khawpui paltlangtu National Highway 54 hi a zauthain, kawng chhuk chho a awmlova, khawpui dinchhohna ah kawngpui kama In sa ten kawngpui zahtakin, nek duhna neilovin In an sa a, heihian thangtharte tan kawngpui zautha tak an hnutchhiah a ni.
Hetianga kawngpui zautha tak Lawngtlai khawpuiin a neihlai hian, kawngpui kam chu sawiloh, kawngpui huamchin te chu lirthei dahnan hman a ni nasain, heihian kawngpui zauthatak chu, cheptakah a siam a, Road Protection Squad te pawn hma han la thin mahse, lirthei neituten dahna tur an neih loh vangin, reiloteah kawngpui chu an nek a ngaizel si a, kawngpui dala lirthei dah hi a tihziaawmdan tur hi ngaihtuahna thar nen hmalak a tul takzet ta ani.
Kawngpui kama In neite hian Lirthei dahnatur ngaihtuahtel atul tih chu a chianga, heimai hi a tawkzo tawhlova, khawsak changkangchho zelah, lirthei mamawhna apung tual tual a, a dahna lam a pungve theilo lai hi tihpun ngailai chu nita berin a hriat.
Aizawl khawpui meuh pawn tuna Lawngtlaiin a tawng mek hi nasa zawka an lo hmachhawn tawh leh hmachhawnmek a ni a, tihziaawm a nihtheih nan manchawia lirthei dahna tur Sorkar chuan a buaipui chho mek a, Lawngtlai ah pawh hetiang lam hawia hmalakna hi kalpui thuai a nihloh chuan, kumkhat chhungin lirthei 1000 chuang ziahluhthar awmchhomek ah hian, kan kawngpui thawlthatak ah hian kan lenglo chho deuh deuhvin a rinawm.