Covid 19 chuan minla kiansanlo tih chu mitin hriat a ni a, Hripui thawh thumna hmachhawntur a inbuatsaihna pawh kalpui chhoh mek a ni a, mithiamten an sawidanin, Thawhthumna hi Hri insiamdanglam Omicron lo thawkmek chu buaipui ber tur a ni.
Mizoram ah krismas leh kumthar vuakvetah, Sorkar thupek zawm diak diak theih a nilova, a bikin thingtlang lam ah hri hi a darh chho mek tih pawh a chiang a, midangten Third wave an buaipui lai hian, Second wave kalzel, kan inthlahdah luat vanga rawn vungthar leh hi, nasa zawkin kan hmachhawn hrep lovang tih pawh sawihleihtheih a nilo.
Sorkar hian hridarhtur vennan inkaihhruainate, thupek te a chhuah thin a, mipui lam atangin sawinawi leh han sawisel deuh rap tapte pawh a awmfo thin, Zan curfew a nihlaia, chhunlama mipui zalen leh viau angte pawh hi a veiduhtan veitham a tling maithei. Hetihlai hian, mipui hmakhua ngaia Sorkarin inkaihhruaina te, thupek eng eng emaw a siamte hi mipui lam chuan theihtawpa thain zawm mai ila, chu chu hripui laka himna atan a thaber a ni hrih tih erawh a chiang viau thung.
District intodelhlo, Lawngtlai District ang ah phei chuan, hri hi englaipawh a kan do a tul hrih a, ruihhlodo ang deuhvin, kan inthlahdah vaih chuan rawn pawngchhuak hluai thei dinhmun ah kan awm tih hi pawm ila, hripui hmachhawnna ah hian tha i thlah lovang u.