Lawngtlai District a Republic Day lawmnapui ber, Central YLA Playground, Lawngtlai ah neih ah, nimin zing dar 8:30 ah Lawngtlai DC, Dr.Andrew H.Vanlaldika chuan Hnam puanzar pawtpharhin, District mipuite Republic Day chibai a buk.
Lawngtlai DC chuan Hripui vanga nunphung a khaihlak nasat viau laiin, Myanmar atangin Raltlan mi 5000 chuan
g Lawngtlai District an an awm mek tih sawiin, Raltlante lo dawngsawn leh enkawlna ah Young Lai Association leh khawtlang hruaitu, Kohhran leh mipui tanrualna chu lawmawm a tih thu a sawi.
Lawngtlai District chhunga Sorkar in hmasawnna hna a thawh hrang hrang te Dr Andrew H.Vanlaldika chuan sawiin, Sorkar kum kalmek ah MGNREGS hnuaiah Ni 76 inhlawhfakna pekchhuah a nih tawh thu te, Kaladan Multi Modal Transit Transport Project kawngpui KM 87.51 a thui chu kumin chhunga zawhfel hmantum a nih thu leh kawnglaih leh Blacktop te chu zawhfel a nih thute, Lei pariat dawhmek pawh chaktaka hna kalpui a nih thu a sawi.
Taxation Department Lawngtlai chuan kumin chhungin chhiah Rs. 5,41,25675/- a nih thu te, District Transport Office Lawngtlai ah nikum chhung khan lirthei 881 ziahluh a nih thute Lawngtlai chuan a sawilang tel bawk.
Lawngtlaia Republic Day hmanna ah hian District chhunga hnathawktha leh intihsiakna hrang hrang buatsaih a lawmman latute hnen ah khuallian hian lawmman a hlan a, Veng faiber ah Electric Veng Lawngtlai thlan niin, Sorkar Office faiber ah E.E Power & Electricity Office, lawngtlai thlan a ni.