Nimin Zirtawpni khan Mizoram Journalist Association Lawngtlai District Annual Conference, Lawngtlai Press Club a neih a hmanpuina ah Pu C.Ngunlianchunga chuan, Raltlan dawnsawn leh enkawlna ah Tlawmngaipawl, khawtlang hruaitu leh mipui inpekna chu lawmawm a tih thu a sawi a, Raltlan te lo buaipui kawngah Sorkar chu Tlawmngaipawl leh mipui kutah a innghat nasa deuh a a hriat thu sawiin, awmzenei a enkawl an nihtheih nan Sorkarin Refugee Camp mumaltakin siam nise a duh thu sawiin, Raltlan dawnsawn leh enkawlzuina ah Sorkar chu thawkhlawklo a a hriat a thu a sawi.
Myanmar atanga Kuhva lakluh chungchang sawiin Lawngtlai West MLA chuan, Zoram mipui leh Champhai mipui te an rilru a hahdamlo tih a chiang a, Sorkar chu mipui siam a ni a, mipui duhdan ngaihpawimawh a tul a, Sorkar a ngawi tlat chu mipui zahlohna a ni a ti. Lawngtlai West MLA hian MJA Lawngtlai District Pension fund atan Rs 20000 a pe
Khualzahawm MJA Gen Hqrs President Pu Zonunsanga Khiangte chuan Chanchinbu kum 30 enkawl tawh, mihring kuma kum 60 tlingchin, Chanchinbumiten Sorkar atanga Pension an hmuhtheih nan a hmalakna chu kumin chhung hian a hlawhtlin hman MJA chuan a beisei tih a sawi.
Lawngtlai District MJA President Pu Lalngheta Ralte chuan, Thalai, thiamna leh finna a sang zawk ten an awmhmun atangin Media hmangtangkaiin, ram tan nasa zawkin hmalase a duh thu a sawi a, MJA chu eizawnna inang te inchhunkhawmna pawl a ni a, pawldang nen angkhata en a fuhloh thu a sawi bawk.
MJA Lawngtlai District Annual Conference ah hian kum 2022-2024 chhunga an hruaitu atan , DIPRO, Pu C.Lalhruaitluanga kaihhruainain President ah Pu Lalngheta Ralte, Vice President ah Pu Elvis Lalthangzuala, Treasurer ah Pu H.Lalrinmawia te an thlang
Tags
News