ZPM Lawngtlai District hruaituten vawiin khan Lawngtlaia thuthar thehdarhtute, chhun thingpui an inpui a, Mizoram a Autonomous District Council ten thuneihna sang zawk an neihtheih nan a hmalakna kalmek chungchang an sawipui
ZPM Lawngtlai District President Pu MC Lalramchhana chuan, ZPM chuan Autonomous District Council ten thuneihna sangzawk an neihtheih chu an duhber a nihlaiin, engang thuneihna sangnge neitur a nawr a ni tih hi mipui lam pawn an chianglo a ti a, ZPM chuan Territorial Council neih ai chuan Sixth Schedule hnuai ah Autonomous District Council ten, tun aia awmzenei zawka thuneihna an neih chu an duh zawk tih a sawi.
Ram inrelbawlna leh mipui ten eizawnna bulfuk leh nghialnghet, awmzeneia ramin hmalam a pantheih nan a beih chu an Party in a tum ber a nih thu ZPM President Pu MC Lalramchhana chuan a sawi a, Lawngtlaia Chanchinbumiten zawhna an neih hrang hrang leh ram kaihhruainan a ngaihpawimawh an neih te an sawiho bawk.
Tags
News