Sorkar hian a hranpa in pawisa a nei ngawt lova, Sorkar hausa chuan sum lakluhna a neitha in, chung zinga pawimawhber chu chhiah hi a ni a, chhiah awltheihna hi awm tho mahse, a tlangpuiin, mipuiin chhiah an chunluhlohna ram hi hriattur a awm lo hial ang.
Chhiah tlingkhawm chu ram inrelbawlna atan tangkai takin hman a ni thin a, a nihna takah chuan mipui chhiah hmangin ram hmasawnna hi thawh a ni.
LADC Sorkar pawn chhiah eng eng emaw a lakhawm thin a, chuta tlingkhawm chu thiltangkai thawh nan hman a ni thin a, a lawmawm khawp mai.
Chhiah hi mahni duhdan dan a lakngawt erawh tihdan a ni ngailova, ram mipuitan phurrit a nithei angem tihte nguntaka thlirlawk in, chhiah chu mipui tan a nalo thei angber a lak a ni thin a, chuchu tuna LADC kalphung pawh hi a ni tih CEM in Chanchinbumite hma ah pawh a lo sawi tawh ani.
Hetihrual hian, mipuiten chhiah an chawichhan leh an chawitur zatte hi chiang taka an hriat a tula, chuchu an dikna chanvo pawh a ni a, chhiah thar lakdawnin mithiamten nguntakin mipui an hrilhhre thin a, a tamthei angber puanzar a ni thin.
Chhiah chhunluh dan pawh mumaltakin kalpui a ni a, khawilaiah emaw pawp awmtheiloturin Sorkar chuan, a sumbawm ah kimtaka a luhtheih nan ruahmanna a siam thin a, hetiang khawpa Sorkar a fimkhur vang hian chhiah tlingkhawm chu khawilaiah emaw pelhe a awm theilova, eirukna rau rau ah pawh, chhiah tlingkhawm eiruk chu tih awmah pawh ngaih a nilo hial ang, hetiang a nihvang hian mipui tan chhiah chawi hi a na lova, kan tihtur a ni tih hriain, chhiah tlingkhawm hmannate pawh chikzui peih a tha in a rinawm.