Pi Marilyn-i chuan College Veng a YLA Member bakah Nu leh Pa leh VC te tanrualna avanga YLA Office thatak an neithei chu lawmawm atih thu sawiin, khua leh veng hmasawn zel tur kan nih rualin, awmzenei a hmasawn hi kan tum tur a ni tiin, kawngpui chep tak te, kawngpuia tuiluang thin kan nei a nih chuan kan hmasawnna chu a khingbai dawn a, khawlai tihnawk thin te leh kawngpui tichep zawnga bungrua dah thin te thianfai pah zelin, hmasawnna awmze nei, veng dangte entawn tlak nih i tum ang u ati.
He hun telpuitu, Lawngtlai College Veng Branch YLA a kum 11 chhung hruaitu lo ni tawh, College Veng bialtu MDC, Pu C.Hrangthianga, Executive Member. LADC pawhin thusawiin, YLA leh khawtlang Nu leh Pa thawhhona thatna hmun a piangah vengin hma a sawn thin a, YLA Office hi inlungrualna hmun, hmasawn zel tura ke kan penna kawnga rorelna hmun duhawm tak ni tura a duh thu a sawi.
Office hawn Inkhawm hi Pu T.Lalthlengliana, Vice President, College Veng Branch YLA chuan kaihruaiin, Pu K. Hmingthanmawia, Adviser in hunserh a hmang a, Pu Lalsawitlinga, Branch YLA Secretary chuan Report pe in, He Building hi an sak zawh thlenga an senso chu Cheng Nuaih Sawmthum leh Singhnih anih thu a sawi a, Building chu Mizopa chhiar a chhawng hnih anih thu leh, a hnuaiber chu Dawr atan siam niin, mi panga in an luah mek thu leh a lai chu YLA General Room atana hman niin,tuna an hawn tak YLA Office chu a chungber a awm anih thu a sawi a.Building sak tantirh atangin YLA Member ten Rs 10/- theuh thawh a bultanin, khawtlang nu leh pa leh VC te thahnemngaihna avanga hawn theiha peih thei chauh an nih thu a sawi.
He hunah hian Pu A. Lalropekthara, VCP College Veng leh, Central YLA atanga telpui tu Pu JH.Lalrindika, General Secretary bakah Pu LC.Lalhriatchhunga, College Veng Branch YLA President te chuan thu an sawi bawk a, College Veng Branch LWA leh MHIP te chuan lawmpuina thilpek an hlan bawk .