Central YLA hruaitute te hi President Pu HC.Vanlalruatpuia'n a hovin, hnathawktute chu an hnathawh muangchang lutuk avangin khawthlang lam khua te chuan harsatna an tawk nasa a, furlai anih avangin an inhrethiam zel a, tun atang chuan inhriatthiamna a awm tawhlo tur thu company hotute hnenah a hrilh a, ram mipuite hmakhua ngaia hna thawkturin an chah a,hna hi karleh atangin hmanraw famkim nen thawk tan nghal turin a hrilh bawk.
CYLA chuan NH-54 piahlamah kawng dang Defence road bik enkawltu 71 RCC OC chu a office ah tlawh nghalin L-D-P Road a chhiatna lai siam tha turin leh an hnuaia company te chu CYLA te duhdan leh ngaihdan hrilh turin a chah a, Hna thawk tha duhlo leh DPR anga hnathawklo company te chungah a tul anga hma lak anih tur thu OC chu an chah.