LADC, Chairman atan Pu VL Hmuaka chuhtu awmlovin a tling.

         Lai Autonomous District Council a MNF Legislature Party, Chief Executive Member, Pu V.Zirsanga kaihhruai chu fukekimturin a insiamrem chhomek ah, vawiin khan LADC Chairman atan Lawngtlai Vengpui bialtu MDC, Pu VL Hmuaka chu chuhtu awmlovin tlingah puan ani.

        LADC Emergency Session vawina Lawngtlaia neih ah Protem Chairman Pu H.Lalmuansanga chuan LADC Chairman thlanna neiturin Session koh a nih thu sawiin, Chairman atana hming pelut awmchhun, Lawngtlai Vengpui bialtu MDC, Pu VL Hmuaka chu chuhtu awmlovin Chairman atan tling ah a puang.

         
Chairman atan thlantlin a nih hnu ah Pu VL Hmuaka chuan, rorelna dik leh duhsakbik awmlova ram rorelna a kaihhruai theih nan Member te thawhhopui atan a sawm a, tunthla October 21 ah Deputy Chairman thlanna neih a nihtur thu Chairman hian a sawi bawk. Chief Executive Member Pu V.Zirsanga bak ah Eptu lam hruaitu Pu T.Zakunga leh  Council Veng bialtu MDC, Pu Manghmunga Chinzah leh South Lungpher bialtu MDC Pu C.Lalmuanthanga ten Chairman duhsakna thu an sawi bawk.

            Pu VL Hmuaka hi LADC a Politician Senior zing ami niin, MDC atan vawi ruk thlantlin a lo ni tawh a, LADC Sorkar ah CEM leh  Executive Member bakah dinhmun pawimawh dang alo chelh tawh a, vawiin a Session neih zawh hian Chairman thar hian a Office a luahnghal.