Mipuiten kan chanvo diktaka kan hmuhna hmun chu Supply Department hi a ni -Pu K.Lalrinliana Supply Minister

     Mipuiten kan chanvo diktaka kan hmuhna hmun chu Supply Department hi a ni, Pu K,Lalrinliana Food Civil Supply & Consumers Affairs Minister chuan a ti

    
Minister hian vawiin khan Rs. 19,22,00,000/-  senga sak, Buhfai Quintal Metric tonne 1000 dahtheihna tur, Lawngtlaia Buhfai dahkhawlna leh pekchhuahna hmun, Supply Kudam ti a hriat lar, Principal Distribution Centre building thar leh Working Standard Laboratory building a hawng a, hemi puala inkhawm, DC Conference Hall a buatsaih ah, Supply Minister chuan miharsa leh chanchhe zawk te pawn diktaka an chanvo an chana, hma an sawntheihnante, tehna diktak nen mipuiin an chanvo ang an hmuhtheih nan  Sorkar kar chuan theihtawp a chhuah ani, a ti.

    Pu K.Lalrinliana chuan Mizoram chhungah kawngpui sailthar leh siamthat a awm nual a, heivang hian Buhfai phurhna ah harsatna thleng maithei a nih laiin, tanrualna vangin tun dinhmun ah khawi hmunahmah Buhfai a harsatna a awmlo a ni a ti 

    He hun ah hian Khualzahawm pahnih, Lawngtlai East bialtu MLA, Pu H.Biakzaua leh Lunglei South bialtu MLA, Dr K,Pachhunga bakah Lawngtlai DC, Dr Andrew H.Vanlaldika te pawn thu an sawi.

    Fishery Minister nibawk Pu K.Lalrinliana hian vawiin chawhnu khan  Ngengpuikai a  Fishery Department hmalakna te a tlawh a, zanin hian Lawngtlai ah a riak leh anga, naktuk zing ah Aizawl a pan ang.