Vawiin khan Young Lai Association Lungtian-I Branch chuan HSLC leh HSSLC a Zirlai titha Chawimawina hun an buatsaih a, he hun hi, L a Executive Member, Primary School enkawltu Pu Sanghuliana Mualchin, Lungtian bialtu MDC chuan hmanpui.
Pu Sanghuliana Mualchin chuan Zirlai titha chawimawi tur an nei chu lawmawm a tih thu sawiin, Zirna chu ram leh khawtlang hmasawnna atan a tobul a nih thu sawiin, Zirlaite chu tihtak takna nen theihtawp chhuah turin a fuih.
Zirlai titha, First Division chin leh achunglam a passed an Chawimawi te hi mi 21 niin, an zing a mi Jeffrey H Lalhriatrenga chu HSSLC (Commerce) ah Mizoram pumpui ah pathum na a ni.
Kumin a HSLC passed hi 26 an ni a,HSSLC hi 16 an ni. Tun tuma zirlai an chawimawi te hi HSLC atangin mi pasarih (7) leh HSSLC atangin mi sawmpali (14) an ni.
He hunah hian Zirlai tithate chu chawimawina thuziak hlan an ni a, khuallian chuan, Topper - Jeffrey H. Lalhriatrenga hi Rs 5000/- lawmpui nan a hlan a, midang 20 hi Rs 1000/- theuh a a hlan bawk
Tags
News