Lawngtlai khawpui a thlahmasa July 12 atanga chhunzan zawma Curfew neih chu zanin dar 7 hian a tawp dawn a, curfew hi pawtsei tawhlovin, awmzeneia inthlahzalen chungin Partial Lockdown neih nise tiin vawiin a District Level Task Force on Covid 19 thukhawm chuan a rel.
Lawngtlai DC Dr Andrew H.Vanlaldika hova DLTF thukhawm chuan naktuk atangin karleh Thawhtanni thleng dawr zawng zawng zing dar 6 atanga tlai dar 3 thleng hawn an remti a, khawpui chhunga veng hrang hrang te chu an Bazar huntur ruatin, chakkhai inlamchhawk nise an ti a, khawpawn lam te chu nitin an bazar phalsak niin a nawlpuia bazar lovin, VLTF ten an khaw mamawh lam thinse an ti
Partial lockdown neihchhungin lirthei number kawpkim leh kimlo te intlanchhawk nise an ti a, heihian hridonan a lirthei hman mamawhzual tihloh chu huamvek se an ti
CMO, Dr LP Malsawma report atanga a landanin tunkar Thawhtanni atanga nimin Pathianni thleng khan Lawngtlai District ah Covid 19 Positive 255 hmuhchhuah niin, tun dinhmun ah Lawngtlai District ah Hrikai enkawllai 347 an awmmek
Tags
News