Covid-19 avanga Mizoramah inkhuahkhirhna kalpui anih atangin Lawngtlai PDC Godown leh FCI Godown ah Buhfai a thlen dan pangngaiin a thleng reng a, Fur chhung tla tur pawh chhekkhawl ani tawh bawk.Tun dinhmunah Lawngtlai District chhunga Sub-Distribution Centre, SDC 5 ah leh Lawngtlai PDC ah Buhfai chhekkhawl a tam tawk tih Pu C. Vanlalhluna, Supply Inspector chuan a sawi a, tunah hian Lawngtlai PDC ah Buhfai Quintal 3461 a awm mek a. Bungtlang South SDC ah Quintal 5600 awm bawkin,Tuithumhnar SDC ah Buhfai Quintal 1642 a awm mek bawk a,Vathuampui SDC ah Quintal 3351 awm bawkin, Vaseikai SDC ah Buhfai Quintal 7939 tun dinhmunah a awm mek a, Damdep SDC ah Buhfai Quintal 7215 a awm mek bawk ani. Ngengpuikai Lei a chhiat hrih avangin Diltlang South SDC ah Buhfai a stock theih loh a, Diltlang hian Bungtlang South atangin Buhfai hi an la rih ani.
Buhfai te hi Fur ruahtui tam avanga harsatna thleng thei ani tih hria in, District chhung a Buhfai chhekkhawlna Distribution Centre hrang hrangah te Fur daih tur chhekkhawl vek ani a.
Harsatna dangin a tlakbuak anih loh chuan Buhfai ah District mipuite mangang lo turin Food Civil Supply & Consumer Affairs Deptt chuan a chah.