Vawiin hi MHIP Day Vawi 47-na a ni a, an Day pualin MHIP Sub Hqrs Lawngtlai chuan DLTF Chairman hnen ah Rs 10,000/- an hlan a, MHIP Kawlchaw West Branch chuan Chawhmeh thahnem tak leh Rs.10,000, DLTF kutah an hlan bawk.
MHIP dinchampha chu Covid 19 vanga inkhuahkhrihna kalpui a nih vangin MHIP Sub Hqrs Lawngtlai hnuai a Branch te chuan kumdang angin an hmang hleithei lova, nimin khan MHIP Day pual hian Sub Hqrs hruaitute chuan Lawngtlai DC Dr Andrew H.Vanlaldika kut ah hripui do nan a hmanturin Rs.10,000/- an hlan.
Vawiin khan MHIP Kawlchaw West Branch chuan DLTF kut ah Chawhmeh leh Theirah an hlan a, SDO(S) Pi TT Beikhaizi chuan DC Office ah lo dawngin, hunharsa ram in a tawh laia thilpek hlutak Kawlchaw West MHIP ten an pe chu lawmawm a tih thu a sawi.
Kawlchaw West hi In 150 vel awmna niin, MHIP Branch chuan an Day ah midang tana thiltha tihna remchang a inhawng chu lawmawm an tih thu sawiin, Hripui leng karah thilpek tamzawk pek duh mahse an tan harsatna a awm ve vangin an duh anga tam DLTF kut ah an hlan theilo tih an sawi.
MHIP Kawlchaw West te hian pawisafai an hlan bakah Chawhmeh lam chu thahnem tak leh Theihai engemawzat DLTF kut ah hian an hlan.
Hripui leng karah MHIP Branch engemawzat chuan midang tan thiltha tih nan a theih ang angin hrilaka invenna thataka zawm chungin an hmang bawk.
Tags
News