Tun dinhmun ah MZ 07 hi 7800 chuang a awm tawh a, a tamzawk hi khawpui chhung ami a ni tih a chiang a, Lirthei 7800 awm tawhna ah chuan Traffic Jam te hi awmfo awmtak alawm a tihtheih laiin, khawpui chhunga tlanvek a nihloh vangte, khawpuia kawngpui dinhmun en hian Traffic Jam neih hi khawpui changkanglo lanna pakhat a la ni thei maithei.
Thuneituten kawngkama lirthei leh bungrua eng eng emaw dah an khap thin a, khawpui chhungte pawh han fang kual thin mahse, Spring nembeh an sawi ang maiin, an kalliama, a ngai bawkin kan awm leh thin lai hi a manganthlak lai niin a hriat.
Khawpui chhung kawngpui hi a chep lem lova, kawngpui ticheptu hi awmlosela chuan, motor pahnih inpelh theihna tur khawp in a zauva, keimahni lamin kan hnawhchep thin vang hian Traffic Jam hi a thleng fo tih hi a chiang a, tun ai hian midang pawisakna han neih deuh hret ila, kan khawpui Traffic Flow hi chu zahawm takin a kal ngei ngei ang.
Lirthei khalhtu, hawihhawmlo fe fe pawh a kumtelin an bo chho hret hret a, khawilai lai ah emaw chuan la awm mahse, hengte hi chu khawpuiin a kentel an ni a, a tamzawk an fel fai phawt chuan Traffic Jam hian kianlam a pan ngei ang tih a rinawm.
Executive Duty awmlohna a Mask, khabe a kuaithla mai thin te kan endawng tana, Traffic Police te hmuhphak lovah Traffic Rules thataka zawm hram hram te kan entawn a, kan hmuhsan hun a nghahhlelhawm mange.