Furpui laiin chhiatna thleng palh thei vengin, hmalakna kalpui mek ani.

     Furpui chhungin khuarel chhiatna thleng palh thei laka Lawngtlai khawpui a himtheih nan kawng  hrang hrangin hmalakna kalpui chhunzawmzel a ni.

Khawpui chhunga tuihawkluankawr te chu a theih ang angin PWD Lawngtlai Division lam chuan an thianfai a, Lai Autonomous District Council a DM&R chuan Nodal Officer Pu Thathluna Chinzah hovin chhiatna thlen theihna hmunte an vil renga, chhungtinte chu mahni In leh a vel enfela, tuichhe paihna te siamtha turin an chah bawk.

District Disaster Quick Reponse Team lam pawh an Leader HC Lalnunchama hovin, chhiatna a thlen thulha chechhuak vat thei turin an inring reng a, Quick Reponse Team te hian khawpui chhunga leimin hlauhawmna hmun thenkhat chu silpaulin a khuhin, khawpui chhunga chhiatna thlen palh hlauhthawnawmna hmunte an thlithlai reng bawk.