Hrileng vanga tawrhna hi engtikahnge a kian dawn a hriat lohva, a ziaawm deuh a, a rawn pawng leh hluai a, heti deuh reng hi thla engemawzat chu kan hmabak a la nih hmel a, kum hial pawh a vei a la ngai maithei.
Khawvel ram hrang hrang te economy a thlahniam a, India phei chu a tuar nasa ram ani hial ang, India ram ah pawh, Mizoram chu mahnia dehchhuah nei mumallo, chawmhlawm State a ni a, a tawrhna hi State hausa nen a khaikhin phei chuan a nasa viau ang.
Mizoram ah pawh Lawngtlai chu District hnufual a ni a, District dang nen a khaihkhinin, harsatna a tawh hi a buk a rit viauin a rinawm.
Inthlahzalen ngawt hian hri darhna kawng a hawng zau si a, inkhuahkhrihna chu, damkhawchhuah nan a kawngtha ber zing ami a nih miau vangin kalpui zuiloh theih a ni silo.
Mipui lam zawk hian khuahkhirh ngailo khawpin hri hi hlau thei ila chuan, tuna tawrhna tamtak hi a pumpelh theihin a rinawm a, duty awmlohna a hmaituamna khabe tuamnan a hmang, punkhawmna dar insi thup a thut hrehlo kan nilawi si hian thuneitute ngaihtuahna pawh a tibuai thin ngawt ang.
Tunang zela kan inkhuahkhirh a nih chuan, chhuanchham em kan awm tamlo a nih pawhin, chhungkaw tamtak tawrhna hi chu tuamdam leh tur chuan kum a vei tam fe a ngaiin a rinawm. Hetiang hi a nih vangin, inkhuahkhrihna thlahdul ngam khawp a hri laka invenna ngaihpawimawh hi mipui lam tihtur leh tihmakmawh a ni awm e.