Covid 19 vanga ram mipuiten harsatna an tawh nasatzia hi, chhutdan hrang hrang hmangin, mithiam ten chhutchhuak tase, mipui tawrhna hi a sang khawp ang.
Hetihlai hian Hripui leng kar ah, Zonunzemawi chuan par a chhuanga, chanhai zawk leh tanpuingaite tanpui thawm hriattur a awm renga, a thlamuanthlakin, tlawmngaihna chuan mual a liam ta hiala ngaihtheih a nih chhoh laiin, a liamlohzia leh a huntakah a langchhuak zawk tih a chiang a, tunge mahni invenna pawh nei manglova, kumkhat chuang Hripui vangin tualchar ah Duty peih ang ? Hnamzia, midang tana inpekna nen VLTF te an chechhuak reng a nih hi.
Thingtlanga khawsak harsa te te ten, khawpui lamah an chawhmeh neih ang ang te an thawnluta, miinphal ten Hripui do nan an khawlbawm an hawngte hi, hnam tamtak ten an tihve theih miahloh tur a ni.
Hri kan do mek hi hneh hun a la awmang, tunah rih chuan, Hripui vanga midang tana inpekna hlu tak takte hian, chechhuak ve lote pawh a kaihharh a tul a, thilpek ang zawng emaw, a tha thawh zawng emawa kan chhechhuak theilo a nih paw’n, hri laka invenna tur atana tihtur leh tihlohtur hi thatakin zawm ila, chu chu Hnampui zia a ni a, midangte tanpuina atan hei aia tangkai hi a tamlo hial maithei.
Hetikhawpa hnam nunzemawi nei hian, hri dona ah pawh chu hnamzia chu awmzenei zawka kalpui a nih phawt chuan, a tangkai zual ngei ang.