Nimin khan India FORMOSA Foundation ten Lai Autonmous District Council Area a Village Council 69 atang chhungkaw 1628 te hnena tanpuina an pek chhuah tur chu Lawngtlai District Village Association hruaitute hnenah an hlan.
He hun hi Lawngtlai District Village Council Association President Pu V.Lalramnghaka’n a kaihruai a. Chairman India FORMOSA Foundation Pu Jonathan Lalremruata chuan, India FORMOSA Foundation hian charity lam hi a buaipui ngai lova, hri leng avanga chhungkaw tam tak te’n an harsatan an tawk tih kan hriat hian chairty lama ke pen a ngai ani, tiin kan pen chhuak a ni, a ti a. Mizoram hmun hrang hrangah India FORMOSA Foundation te hian chhungkaw 17056 hnenah tanpuina hi an hlan a. Local Council leh VC te kaltlang a semchhuah a ni a. Lawngtlai District a chhungkaw 1628 te hnenah Lawngtlai District VC Association kaltlangin tanpuina hi an sem chhuak
India FORMOSA Foundation te hi Mizorama NGO pakhat a ni a. Aizawl District, Kolasib District, Serchhip District, Lunglei District, Siaha District leh Lawngtlai District ah te tanpuina hi semchhuah a ni. Heng tanpuina an semchhuah te hi chhungkaw khat hnenah Buhfai Kg 2, Alu Kg 2, Chi, Dal leh Chini te Kg 1 theuh bakah Tel pack khat leh Neutrela kg 1/2 te pek chhuah an ni.