Vawiin khan Lawngtlai DC, Dr Andrew H.Vanlaldika chuan Lawngtlai District MJA te kawmin, Hripui leng kar ah Chanchinthar puanzar kawng ah Sorkar leh Chanchinbumiten thawhhona tha zawk an neih theihtheih dan tur a sawipui
Lawngtlai DC chuan State Sorkar chuan Covid 19 chanchinthar te chu tualchhung chanchinbumiten an hriat zung zung theih nan ruahmanna siam tha a tih angin, tuna Lawngtlai a Chanchinbumite leh Sorkar thawhhona chu, hei aia tha zawk a kalpui ngaihna a awmlovang tihtur ni mahse, infianchhuah a, tanlak zual deuh deuh a ngai a ni a ti a....
Lawngtlai Chanchinbumite chuan Lawngtlai District chu hmunkilkhawr tak tak tamna, inbiakpawhna pawh hman harsatna hmun tamtak a awm a, heng hmun a Hripui kai hmuhchhuahzat angte, Aizawl a Official a report pek hnu ah chauh an hrethei thin chuan, an tuan a tihfum phah niin an sawi.
Lawngtlai DC chuan Lawngtlai Chanchinbumite chu Sorkar ai pawh a thuthar hrehmasafo leh thawhhlawk an nihna chu, Covid 19 dona ah District in a tangkaipui hle tih sawiin, Sorkar nen a thawhdunna tha zawka a awmtheih nan a rawtna an neihte pawh lo bawhzui nghal a tum thu a sawi.
Vawiin a inkawmhona ah hian Additional DC, Pi Marilyn Rualzakhumthangi, SDO(Sadar) Pi TT Beikhaizi, Pu Lalbiakzauva SDC bak ah District Information & Public Relations Officer Pu C.Lalhruaitluanga ten Lawngtlai DC hi an tawiawm.
Vawiin a inkawmhona neihlai thleng hian Lawngtlai District ah Covid 19 Positive 513 an awm mek
Tags
News