KVK Chawnhu ten Hmazil an chinchhinna a hlawhtling



         KVK Chawnhu chuan Mizoramah a vawikhat nan , Hmazil, Arka siri (Cantaloupe) chu hlawhtling takin an tharchhuak a, vawiin khan Pu Lalringliana DAO, Lawngtlai hovin an seng.


        Hmazil enchhinna a bultumtu ber, Dr. Vanlalliani, Subject Matter Specislist (Horticulture) KVK Chawnhu chuan tuna Hmazil an chinchhin hi, a vawikhatna ah an hlawhtlin mailoh thu a sawi a, ruahtui tlakloh lai a chin chi niin, vawiin a an seng tak hi kumin March thlaa an chin niin, Mizoram a Hmazil chin thin ang aiin atlangpuiin a pum a te a, a lian pawl chu Kg.1 leh tlem bak a nilova, thianho leh chhungkua a vawikhat a eizawh tham mai a nih vangin, eisenloh dahthat ngai ang chi a awm lem lova, a pum te deuh phei chu, mahni a eizawh theih maite a ni hlawm a,  a thlumtha in, thlai leh thei vawnthatna khawl tello pawn, ni sawm chhung thleng te pawn a vawnthat theih,


        A chi hi Mizoram ah hmuh maitur a la awm lova, tuna KVK Chawnhu ten an chin hi Indian Institute of Horticultural Research, Bangalore atanga an lak niin, hetia an tharchhuah atang hian, a chi hi lakchhuah maitheih niin, KVK Chawnhu a Sr.Sceientist & Head Dr C.Lalfakawma chuan loneitute hnen ah a chi pawh engemawzat chu an pekchhuah tawh thu leh, kumthar lam ah chuan, nasa zawka chingpung tura bul an tan theih a beisei thu a sawi.


The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post