June 14 thleng, khauh zawkin inkhuahkhirhna Lawngtlai District ah kalpui nise tiin vawiin a Lawngtlai DC Dr.Andrew H.Vanlaldika hova DLTF thukhawm chuan an rel.
Lawngtlai ah Eichawp dawr leh chawhmeh zuarte Thawhlehni leh Zirtawpni ah te zing dar 5 atanga dar 9 thleng an inhawn remtih a ni a, dawr dang zawng chu Thawhtanni leh Ningani ah zing dar 5 atanga dar 10 thleng an inhawn remtih a ni. Chawhmeh lam chi hi VLTF te ruahmanna in, hrilaka inveng chungin, a mamawhte hnen a pekkual remtih a ni.
Khawpawn lam ten mamawh an lam nan Inrinni ruahmansak an ni.
Khualzin phur leh sumdawnna atan a hman mihringphur chi lirthei reng reng tlan khap a ni a, kuthnathawktute chu inkaihhruaina hmasa angin hna an thawh remtihsak chhunzawm an ni.
Zanlam Curfew pawh zan dar 7 atangin khauh zawkin chhunzawm tur a ni a, Executive Duty leh VLTF te khauh zawk a duty tur a tih an ni bawk.
Meeting ah hian CMO, Dr LP Malsawma chuan tun dinhmun ah CCC Thingkah ah Positive enkawllai 14, Home Isolation 1, Chawngte CCC ah 29, 4C ah 22, Home Isolation 165 an awm thu a sawi a, tihian vawiin a DLTF thutkhawmlai thleng hian Lawngtlai District ah Covid 19 Positive enkawllai 231 an awm.