Green MJA Day ah DC Chenna chhehvel ah thingtiak phun ani

 

        Kumtina Lawngtlai District MJA ten an lo hman thin, Green MJA Day  ah, vawiin khan, Chawnhu a Lawngtlai DC chenna chhehvel ah District MJA Member ten DC leh DIPRO, hovin thingtiak an phun.

        Thingtiak phun hma a inkhawm tawi buatsaih ah Lawngtlai DC Dr Andrew H.Vanlaldika, Lawngtlai District MJA a Patron member chuan, MJA ten thingphun uartura mipui zirtirna te, enkawlzui na ah tanlak a ngaihthute an chanchinbu a ziah mai duhtawk lova, a taka an thawk chhuak thin chu  lawmawm a tih thu sawiin, Thingphun leh enkawlzui na ah District mipuiten hma an sawn nasa hle tih sawiin, helama harhtharna awmchho mek chu chhawmnunzel a pawimawh  a ni a ti.

        Lawngtlai District MJA President Lalngheta Ralte chuan, Green MJA Day chu tangkaitaka an hman thin thu leh thing phun tawhsa enkawla thawmthat nan te, midangten thingphun leh enkawlzui lam a tan an laktheih nan an mahningei thawk chhuakin kawngpui kam leh Sorkar Department hmun ah te  Green MJA Day ah thingtiak te an lo phun tawh thin thu a sawi.

        
Kumina Green MJA Day a  Lawngtlai DC Chenna chhehvel ah Thingtiak an phunte chu, DC lam in a enkawlzui hna an thawk dawn a, thingtiak hi 20 chuang an phun ani