Covid 19 laka invendantur hi hrelo pawh a awmtheihloh hial tur a ngaih a ni tawh a, a bikin khawpui ah chuan a tlangpuiin, pawnchhuakten hri laka invenna an zawmtha thawhkhat viau tawh a, midang nen a inkarhlat a awm erawh a la harsa deuh in a hriat.
Tun dinhmun ah Hmaituam leh midang hlata awm te chu hrileng laka invenna thaber a ni hialin a rinawm a, Vaccine lah a nawlpuiin lakkim a la nisilova.
Hetihlai hian a bikin thingtlang hmunkilkhawr lam ah chuan hri laka invenna hian zawm a hlawh tha lemlo niin a hriat a, khawtlang hruaituten hma an lak nasat a ngai viauin a hriat a ni.
Tunhnai deuha hrikai hmuhchhuah tamna khua ah, hrikai zawnchhuah hna thawhna thlalak pakhat ah chuan, mipui lam ten Mask an hman thatloh zia a lang a, kha thlalak khan, Hri hi an hlau talo nge ni anga, inven a tulna chhan an hrelo zawk tih ngaihtuahna thuitak a siam theiin a rinawm.
Hri hian Thingtlang kilkhawr deuh thlengin bu a khuar chho tawhin a hriat a, khawpui chhungah theihtawpa fimkhurin, in khuahkhirhin, thuawilote hrem nifo mahse, khawpui dawrtu thingtlang lam ten fimkhurna an tlakchham si chuan, inkhuahkhirhna chuan awmzia a neilovang tih a hlauhthawn khawp mai.
Hetiang hi a nih vangin, Hrikai kan hlauhdan te, invenna kan ngaihpawimawh dan te hi a inkhairual a ngai, tan lak a tul khawp mai.