ePOS Online Mode a Buhfai pekchhuah chu, Internet mumalloh vangte, Ration Card leh Adhaar Card la thlunzawmlo an awm nual vangte, ePOS khawl ah Kutzungthla hmuhtheihloh a awm nual vangin, vawiin atangin June 30 thleng Off-line Mode a Buhfai pekchhuah remtih a nih thu nimin khan Pi Ramdinliani, Director Food, Civil Supply & Consumers Affairs chuan Mizoram a District hrang hranga DCSO te a hriattir.
Offline Mode a buhfai pekchhuah hian Online a Buhfai latheite chu a huam dawnloh thu FCS&CA Director chuan lehkha a tihchhuah ah tarlantel a ni.
Lawngtlai District bik ah Internet mumalloh vangin PMGKAY Scheme atanga Buhfai lathei 70% vel chuan Online Mode a sem a nih chuan Buhfai an latheilo thin a, May thla pawh khan Offline Mode a semchhuah State Sorkar in a remtih vangin, Covid 19 vanga Inkhuahkhrihna kalpui laiin, chhungkaw tamtakin eitur an neih phah a ni.