Internet mumalloh vangin PMGKAY Buhfai, Off-line Mode in sem dawn.


     Pradhan Mantri Garib Kalyan Anna Yojana (PMGKAY)-III Scheme hnuai ah , Mizoram a District hrang hranga Buhfai semmek chu June 30, 2021 thleng Offline Mode a semchhuah Sorkar in a remti.

ePOS Online Mode a Buhfai pekchhuah chu,  Internet mumalloh vangte, Ration Card leh Adhaar Card la thlunzawmlo an awm nual vangte, ePOS khawl ah Kutzungthla hmuhtheihloh a awm nual vangin, vawiin atangin June 30 thleng Off-line Mode a Buhfai pekchhuah remtih a nih thu nimin khan  Pi Ramdinliani, Director Food, Civil Supply & Consumers Affairs chuan Mizoram a District hrang hranga DCSO te a hriattir.

Offline Mode a buhfai pekchhuah hian Online a Buhfai latheite chu a huam dawnloh thu FCS&CA Director chuan lehkha a tihchhuah ah tarlantel a ni.

Lawngtlai District bik ah Internet mumalloh vangin PMGKAY Scheme atanga Buhfai lathei 70% vel chuan Online Mode a sem a nih chuan Buhfai an latheilo thin a, May thla pawh khan Offline Mode a semchhuah State Sorkar in a remtih vangin, Covid 19 vanga Inkhuahkhrihna kalpui laiin, chhungkaw tamtakin eitur an neih phah a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post