Josepha Buhzem atangin MNYF ten tanpuina an semchhuak

Nimin khan MNF Thalai Pawl, District Hqrs Lawngtlai hruaitute chuan Jasefa Buhzem an hawn atangin tanpuina an semchhuak.

MNF Thalai Pawl, District Hqrs Lawngtlai te chuan an President Pu Elvis Lalthangzuala hovin Josefa Buhzem atanga sum an hmuh te Covid-19 dona atan District Level Task Force, Lawngtlai Chairman Dr.Andrew H.Vanlaldika hnenah Rs 10,000/- an hlan a. Tun hnaia Covid-19 positive an hmuh tamna hmun Karlui-I Village Level Task Force te hnenah Buhfai bag 10, Alu leh Dal an hlan bawk a. Karlui-I VLTF aiawh hian an Bialtu MDC Pu Tuturu Singh hnenah an hlan bawk a ni.

MNF Thalai Pawl, District Hqrs Lawngtlai te hian CMO, Lawngtlai Dr.LP.Malsawma hnenah Covid-19 dona kawnga hnathawktu  Medical team te'n tangkai taka an hman atan Rs 5000/- an hlan bawk a. Hei bakah hian Thingkah IR hmuna Covid-19 avanga enkawl mek te pualin nimin khan  zanriah an buatsaih sak bawk.