DC hovin DLTF an thukhawm

     Tunhnai ah hrikai 147 hmuhchhuahna Lawngtlai District chhung, Karlui-I ah  June 18 leh 19 hian hrikai zawnchhuah hna thawh a ni leh dawn.

    Vawiin a Lawngtlai DC, Dr.Andrew H.Vanlaldika hova District Level Task Force thutkhawmna ah Sr.Medical Officer Dr. S.Thaizi chuan Karlui-I a hrikai thahnemtak hmuhchhuah a nih thu sawiin, June 10 leh 11 a Sample endik a hrikailo te chu June 18 leh 19 hian hri an kai leh kailoh ennawn leh tur an nih thu a sawi. Vawiin DLTF Meeting ah hian Karlui-I a hrikai an tam chhan chu, mipui inthlahdah vang leh hrikai ten an sulhnu an sawikim that loh vang a nih thu sawilan a ni.

    Vawiin a Lawngtlai DLTF Meeting ah hian karkhat dang chu awmzenei taka inthlahdul chungin, khauhtakin inkhuahkhrihna kalpui zui tha an ti a, eichawp dawr leh chawhmeh lam chi zawrhna te chu zing dar 5 atanga 11 inkar ah Thawhlehni, Ningani leh Inrinni ah te an inhawng anga, Dawr dang chu Thawhtanni leh Zirtawpni ah zing dar 5 atanga  dar 11 inkar an inhawng ang.

    Lawngtlai khawpawn, Ngengpui thlanglam tan mimal a chakkhai lamtur a Lawngtlaia an kal a rem dawn lova, VLTF ten an khaw mipui mamawh a hlawm a an laktheih nan ruahmanna siam a ni.